Veturinn sagði til sín í dag! Reyndar kom hann í nótt svona eins og þjófur. Menn og skepnur þurftu að glíma við hið óvenjulega form af vatni í líki líks, náhvítt og svolítið ógnandi en eðlilegur hluti af tilverunni. Stefán í Aðalgötu 8 lét veðrið ekki trufla sitt daglega líf og þeir Nonni hundur leituðu ótrauðir að súrefni sem var á hraðferð um bæinn. Þeir félagar maður og hundur sönnuðu svo ekki var um villst að hundi var út sigandi og þar sem tveir fara saman út í hríð er stórhríð

Þegar þungt er í norðurhjaranum þá sendir hann skilaboð til íbúa við botn Húnaflóa. Hann sendir sinfoníu sem syngur margraddað einum hljóm "nið undiröldunar" og íbúarnir standa sem þrumu lostnir og bíða milli vonar og ótta, nær norðanáhlaupið hingað eða sitja þeir á Skagaströnd  og þeir sem norðar búa einir uppi með þetta leiðindaveður.