Jón Sigurðsson Myndir og hugleiðingar úr A-Húnavatnssýslu. Hver sem er getur ratað inn á þessa síðu í töluverðri vissu um að komast frá því óskaddaður. Ef einhver skaddast og er tryggður, þá fær hann það bætt. Svo einfalt er það! |
|
Færslur: 2010 September01.09.2010 14:06Ég er á förum til fjarlægra landa "Oh What A Beautiful Morning" skaust upp á yfirborð huga míns og það munaði svo litlu að ég hæfi upp raust mína og færi að syngja þetta fallega lag þegar ég fór út í morgun. Veðrið, himininn, loftið, veröldin var bara svo falleg að þetta gullfallega lag úr söngleiknum Oklahoma hefði átt vel við. Það eina sem aftraði mér, var hún Bebe sem býr í næsta húsi, yndisleg kona sem á allt gott skilið Annað fallegt lag "ég er á förum til til fjarlægra landa" eða saga farmannsins sem Óðinn Valdimarsson söng á sínum tíma fyrir hönd farmannsins er líka farið að láta á sér kræla . Ég raula þetta lag fyrir mína hönd og annara vandamanna því ég er á förum til fjarlægra landa og kem ekki heim fyrr en í lok mánaðarins. Það er rólegt við Aðalgötuna þessa dagana. Ferðamönnum hefur fækkað og öll umsvif minnkað. Nonni Hundur er aftur orðinn einn því Skuggi er farinn úr vistinni og Jónas á Ljóninu er farinn suður á bóginn með skemmtisnekkjuna Skafta Fanndal í eftirdragi. Að sögn kunnugra mun hann ætla að gera út snekkju og leigubíl, syðra í vetur. Hópur stórmenna kom í óvænta heimsókn í Aðalgötuna í morgun og má úr þeim hópi nefna, Sýslumanninn Bjarna og hans aðstoðarmann sem er kona og ég man ekki hvað heitir enda ný í starfi og ég arfaslakur að muna nöfn. Stebba Ólafs hrl., Oddnýju bæjarfulltrúa, og Stefán atvinnuráðgjafa. Ég hafði gaman af því að hitta þetta fólk og renna yfir grunnatriði lífsbaráttunnar í gamla bænum. Til dæmis var mjög mikilvægt að ég var til staðar því sýslumaður hafði sagt fulltrúa sínum á leiðinni að Nonni hundur væri eldsti hundur á Íslandi en sem betur fer gat ég leiðrétt þessa vitleysu og sagði þeim frá Fúsa hundi frá Aðalgötu 2 en hann er 24 ára og hunda elstur. Það er nefnilega nokkuð ljóst að ekki er sama Jón hundur og Fúsi hundur og mér finnst ég hafa gert gagn í dag. Glugginn er frekar lítið spennandi í dag en eitt var þó einsktakt við komu hans. Glugga-Óli sem bar mér hann að þessu sinni í fjarveru Rúnars var með lipra tónlist undir geislanum svona í anda Sven Ingvars eða sænsku Víkingana, lét tónlistina flæða um Aðalgötuna í haustblíðunni. Engin hross eru í óskilum; ekkert tilboð í gangi á Ljóninu á verði sem alþýðan ræður við. Vísa vikunnar er á sínum stað og ekki eftir Ella frá Stóru-Giljá. Hagyrðingingurinn Rúnar frá Skagaströnd á vísuna að þessu sinni og fjallar um það að enginn þarf að eltast við eilífðina. Það var ansi góð skilgreining á mismuninum á skáldi og hagyrðingi sem Þórarinn Eldjárn kom með á Bragaþingi um daginn. Þórarinn ræddi um það að allt væri orðið svo faglegt í samfélaginu, a.m.k töluðu margir um að allt þyrfti að vera svo faglegt svo mark væri á því takandi. Þórarinn benti á að skáldin væru fagleg en hagyrðingarnir meira svona í alþýðukveðskap og langt frá því faglegir. Hann lagði því til að skáldin væru eftirleiðis kölluð fagyrðingar til aðgreiningar frá hagyrðingum. Rúnar kemur ekki enn og klukkan langt gengin í þrjú þannig að ég þarf að fara að slá botninn í þennan síðasta pistil fyrir sumarfrí. Ég er á förum til fjarlægra landa fegnir víst margir sem frétta af því. Óþarfi að rjúk´upp til fóta og handa því aftur til baka ég forhertur sný. Skrifað af Jóni Sig
|
Um mig Nafn: Jón SigurðssonFarsími: 8623250Tölvupóstfang: jonsig@simnet.isAfmælisdagur: 18.02 1952Heimilisfang: Árbraut 12 540 BlönduósiHeimasími: 4524450Faðir: Sigurður M. ÞorsteinssonMóðir: Ásta JónsdóttirÖnnur vefsíða: jonsig@tmumbod.isUm: Starfa sem umboðsmaður TM í A-Húnavatnssýslu auk þess að vera fréttaritari Morgunblaðsins á BlönduósiUppáhalds bíómynd(ir): Hotel Ruanda og svo að sjálfsögðu allar James Bond myndirnarUppáhalds tónlist: Maggi Eiríks, Ernirnir og ekki má gleyma sjálfum BítlunumUppáhalds manneskjur: þær sem halda upp á migUppáhalds matur: Hrogn og lifur, saltfiskur, þorramatur, ýsa í ýmsum myndum að ógleymdum humarnum. Lambakjötið stendur alltaf fyrir sínu og fátt er betra en útigrillaðar lambakótilettur með kartöflusalati A La MaggaEftirminnilegast: Það er svo margt ef að er gáðEldra efni
clockhere Tenglar |
© 2024 123.is | Nýskrá 123.is síðu | Stjórnkerfi 123.is