Er Bóta til bóta

"SALAN á málverkinu Hvítasunnudegi eftir Jóhannes Kjarval sl. þriðjudag var ekki aðeins tímamótasala á verki gamla meistarans heldur tímamótasala sem líklegt er að muni hafa víðtæk áhrif á listaverkamarkaðinn hérlendis. Þetta er mat þeirra sérfræðinga sem Morgunblaðið leitaði til í gær. Í þeim hópi voru m.a. Edda Jónsdóttir, galleristi í i8, Sveinn Þórhallsson,galleristi í Turpentine, og Tryggvi Friðriksson, annar eigandi Gallerís Foldar. Öll voru þau mjög bjartsýn á þróun markaðarins framundan.Allir álitsgjafar blaðsins voru á einu máli um að íslenski listaverkamarkaðurinn hefði tekið sérlega vel við sér á sl. tveimur árum. Tengja viðmælendur það annarsvegar aukinni velmegun og hins vegar því að fólk virðist hafa endurheimt traust sitt á listaverkamarkaðnum." Sannleikurinn, tækifærin við þessa frétt já og útrásin í augsýn fékk ég ekki fyrr en ég hitti hana Bótu (Bóthildur Halldórsdóttir). Þessi ágæta kona sem lengi bjó á vesturbakkanum en flúði fyrir ekki svo margt löngu austur yfir hitti mig í dag örþreyttan  og að niðurlotum kominn, traðkandi á hlaupabretti frá Sjálfsbjörg og sagði: " Jón, það er eitt listaverk sem allir eru að tala um, eftir þig heima hjá mér" Ég missti úr nokkur spor og munaði minnstu að ég rynni út af hlaupabrettinu við þessi tíðindi hafandi lesið ofangreinda frétt. Loksins verð ég ríkur og það fyrir atbeina Bótu. " Hvaða listaverk er það Bóta mín sem þú ert að tala um? Þar sem ég hleyp á brettinu með upphitaðan púlsmæli og var búinn að leggja að baki 1,9 km og hraðinn og púlsinn voru á nokkuð öruggri niðurleið varð snöggur viðsnúningur á hjartslættinum ( þetta verða menn að taka inn í óvissuþætti um niðurstöður langlífis heilbrigðra hjartasjúklinga með hjatrabilun). Bóta komin,  auður í nánd eftir góða frétt í Morgunblaðinu og eðlilegt að hjarslátturinn tæki örlítinn kipp upp á við .  "Listaverkið eftir þig er passamynd sem þú tókst af mér í fyrra. Það segja allir að þetta sé listaverk" Bóta er vinkona mín og í sjálfu sér listaverk án minnar aðstoðar. Í dag og í kvöld hef ég setið og hugsað, hvað ætli Bóta hafi meinað með þessu. Eftir sit ég með listaverk af konu sem er listaverk í sjálfu sér en hver er kominn til að meta það. Hef ég orðið fyrir skaða Bóta, hefur þú orðið fyrir skaða Bóta eða þörfnumst við skaðabóta