30.03.2008 22:09

Ellimálanefnd þjóðkirkjunnar

Það sem lífið hefur upp á að bjóða er svo margt og birtist í svo mörgum myndum, Sumir eru fljótari en aðrir að koma auga á það og koma því skemmtilega til skila. Lítum á þetta:

Langaði bara að benda þér á það að þegar hakað er á neðangreindann link:

http://www.123.is/jonsig

Þá er maður boðinn velkominn á vef ellimálanefndar þjóðkirkjunnar.

Þar sem mér þykir þú tímalaus maður í aldri og langt frá því á þessum tímamótum/aldri að þú þurfir að velta þessum málum fyrir þér enn um sinn þá langaði mig að benda þér á þetta ef vera skildi að þarna sé um eitthvað netvandamál að ræða.

Ekki svo að skilja að þarna séu ekki áhugaverðar upplýsingar fyrir fólk á öllum aldri um t.d. páska ofl. og einnig boðið upp á spakmæli sem og gamanmál þá þykir mér langt um meira gaman að lesa hugrenningar þínar um okkar litla samfélag hér fyrir norðan.

Með þökk fyrir góða lesningu og von um að þetta komist í lag.

kv.

Anna Kr. Davíðsdóttir

Þennan tölvupóst fékk ég í dag og þá var ég skömmu áður búinn að reyna að fara inn á síðuna mína og rakst á hið sama og Anna henna Bótu rak augun í. Magga var stödd mér við hlið þegar ég reyndi að komast inn á síðuna og ég veit ekki hvert hún ætlaði svo mikið hló hún yfir því að það væri búið að tengja mig við ellimálavef kirkjunnar. Ég held að það hafi verið upplitið á mér sem gerði hana svona gersamlega máttvana í gleðilátum. En sannast sagna þá hefur staðið yfir uppfærsla á vef 123.is um helgina og leitt æði marga inn á kristilegar slóðir allt eftir aldri.
En svona í tilefni dagsins þá er ekki úr vegi að sýna smá mynd sem allar deildir kristinnar kirkju óháð aldri myndu ekki hika við að tuldra smá bæn yfir, bara við að sjá þessa tvo og reiðskjóta þeirra. Þarna fara Helgi og Heiðar í útreiðar og það get ég sagt með sanni að ellimáladeild kirkjunnar hefur ekki látið sitt eftir liggja til að að þessir menn kæmu óskaddaðir heim.

Skrifað af Jón Sig

Tengill á færslu

Bæta við áliti

Sýna álit

30.03.2008 22:09

Ellimálanefnd þjóðkirkjunnar

Tenglar