Þarna náðir þú góðri mynd

    " Þarna náðir þú góðri mynd " sagði hinn lagnalipri pípari Guðmann Steingrímsson sem betur er þekktur sem " Gúddmann " meðal pólskra samverkamanna. Ef grannt er skoðað þá víkur hinn lagnalipri ekki svo langt frá sannleikanum því myndin er bara bísna góð þó ég segi sjálfur frá. En þessi mynd var tekin um það bil sem hann var að sleppa úr kjallarnaum frá Sölufélags-Sigga sem nú leggur lokahönd á innréttingar í kjallarnum á Aðalgötu 11.




    
    "Gúddmann" var líka afar ánægður með það að hönnuðurinn Atli Arason annar kirkjueigendanna mætti með tæki sín og tól og hóf slátt á kirkjulóðinni. Það var orðið samdóma álit bæjarbúa að kominn væri næg slægja á kirkjujörðina og líkast til myndi það duga í viðhaldsfóður fyrir tvö til þrjú lömb. 
    Það var ekki nóg með það að Guðmann væri kátur með ástand mála því Atli sem einhver gálaus maður álpaði út sér að væri eins og "maðurinn með ljáinn" (átti að sjálfsögðu við sláttuorfið, ætlaði að vera fyndinn) )var einnig afar ánægður með að geta nú hafið slátt. Það er því ljóst að allir leggjast á eitt með það að gera bæinn fallegan fyrir helgina sem nú gengur í garð. Svona er Aðalgatan í dag.