Jón Sigurðsson Myndir og hugleiðingar úr A-Húnavatnssýslu. Hver sem er getur ratað inn á þessa síðu í töluverðri vissu um að komast frá því óskaddaður. Ef einhver skaddast og er tryggður, þá fær hann það bætt. Svo einfalt er það! |
|
23.11.2016 13:50Hugsað upphátt á VesturbakkanumÁ Vesturbakkanum voru menn sem gerðu út en liggja nú í útgerðardvala. Bátar vélarvana eða hreinlega horfnir Langt er um liðið að sögur af Vesturbakkanum hafa litið
dagsins ljós hér á þessum vettvangi. Við erum enn hérna nokkur sem drögum
andann, sum allan sólarhringinn en aðrir bara 8 tíma eða bara endrum og
eins. Hér áður fyrr meir voru hér
umhverfis allt umlykjandi einstaklingar sem óhugsandi var að verða ekki var við
og stundum oft á dag. Menn kunnu hér ráð
til að afmá brundbragð úr hrútaketi. Hér voru hundar sem ólu upp menn og menn
sem reyndu að koma skikki á opinbera starfsmenn ríkis og bæjarins. Listamenn
sem m.a. löðuðu til sín auðnutittlinga með verkum sínum. Vissulega er hér enn
fólk sem hefur margt til brunns að bera og má þar nefna einstaklinga sem lögðu
hinn forna skjáleik í sjónvarpinu á hliðina. Eplaræktendur, útsjónarsama
gistihúsa- og guðshúsaeigendur svo einhverjir séu nefndir. Svo er hér hundur
sem styggir stundum göngufólk sem leið á um Aðalgötuna og er þess valdandi að
heimsóknum til mín fækkar enn frekar en orðið er frá brotthvarfi ÁTVR úr mínu
ranni.
Oft þarf að reisa múra til að halda aftur af náttúruöflunum Það er einhvern veginn þannig að þegar
maður eldist og þroskast að kjarkurinn til að segja sögur af samferðamönnum
minnkar. Kann það að vera vegna aukinnar þekkingar á mannlegu eðli. Óttinn við
að særa einhvern alveg óvart án þess að einhver brotavilji sé að baki. Kannski
er þetta óþarfa viðkvæmni í mér að brölta um með óþarfa sektarkennd um eitthvað
sem ekki hefur átt sér stað. Maður kemst ekki að því hvort þeir sem um er
skrifað móðgist nema að láta á það reyna. En, samt sækir efinn að. Væri ekki
ráð að senda þeim sem fyrir pennanum gætu orðið bréf um það hvort þeir væru
hæfilega harðir til að verða barðir. Ég er ekki í nokkrum vafa um það að
margir hefðu gaman að því að heyra frá því hvernig ein manneskja getur lagt
heila sjónvarpsdagskrá á hliðina með símann einn að vopni og viss er ég um að
einhverjir hefðu áhuga á eplarækt við ós Blöndu fyrir opnum Húnaflóanum.
Horft af Vesturbakkanum Af þessum skrifum geta menn lesið að
mér úr greipum hafa gengið margir áhugaverðir einstaklingar úr dýraríkinu. Hafa
horfið úr mínu nágreni, holdgervingar hinna óhjákvæmilegu breytinga. Jónas vert á Ljóninu sést hér þó af og til en
hann fer líkt og farfuglarnir suður á bóginn yfir vetrartímann. Ég heyri
reglulega frá honum og veit það fyrir víst að hann er ekki frábitinn því að
eltast við "kerfið" sem hann segir að hafi leikið sig grátt. Þessi
eltingaleikur hefur staðið nokkuð lengi yfir og sér ekki fyrir endann á honum. Reyndar er einn einstaklingur sem
sannanlega tilheyrir Vesturbakkanum og er mér einkar kær farinn til
vetrardvalar í Skotlandi. Þetta er að sjálfsögðu grágæsin Blanda sem þeir sem
fylgjast með á "facebook" þekkja. Á þessum fugli er lengi hægt að nærast
andlega, a.m.k. meðan hún lifir og hagar sér skynsamlega á Katanesi hvar
forsetafrúin á ættir að rekja. Skrifað af Jóni Sig |
Um mig Nafn: Jón SigurðssonFarsími: 8623250Tölvupóstfang: jonsig@simnet.isAfmælisdagur: 18.02 1952Heimilisfang: Árbraut 12 540 BlönduósiHeimasími: 4524450Faðir: Sigurður M. ÞorsteinssonMóðir: Ásta JónsdóttirÖnnur vefsíða: jonsig@tmumbod.isUm: Starfa sem umboðsmaður TM í A-Húnavatnssýslu auk þess að vera fréttaritari Morgunblaðsins á BlönduósiUppáhalds bíómynd(ir): Hotel Ruanda og svo að sjálfsögðu allar James Bond myndirnarUppáhalds tónlist: Maggi Eiríks, Ernirnir og ekki má gleyma sjálfum BítlunumUppáhalds manneskjur: þær sem halda upp á migUppáhalds matur: Hrogn og lifur, saltfiskur, þorramatur, ýsa í ýmsum myndum að ógleymdum humarnum. Lambakjötið stendur alltaf fyrir sínu og fátt er betra en útigrillaðar lambakótilettur með kartöflusalati A La MaggaEftirminnilegast: Það er svo margt ef að er gáðEldra efni
clockhere Tenglar |
© 2024 123.is | Nýskrá 123.is síðu | Stjórnkerfi 123.is